السلام عليكم ورحمة الله وبركاته
الحمد لله نحمده ونشكره ونستعين به ونستغفره ونعوذ بالله من شرور أنفسنا ..
.. ومن سيئات أعمالنا ..
.. من يهده الله فلا مضل له ومن يضلل فلا هادي له ..
..و أشهد ان لا إله الا الله وحده لا شريك له ..
.. وأشهد أن محمدا عبده ورسوله ..
.. صلى الله عليه وسلم وعلى آله وصحبه أجمعين ..
.. ومن تبعهم بالإحسان الى يوم الدين ..
.. ربنا لا علم لنا إلا ما علمتنا, إنك أنت العليم الخبير ..
.. ربنا لا فهم لنا إلا ما أفهمتنا, إنك أنت الجوّاد الكريــم ..
.. ربي اشرح لي صدري ويسر لي أمري واحلل ..
.. عقدة لساني يفقهوا قولي ..
.. أما بعد ..
.. فإن أصدق الحديت كلام الله وخير الهدى, هدى محمد صلى الله عليه وسلم ..
.. وشر الأمور محدثاتها وكل محدثة بدعة وكل بدعة ضلالة وكل ضلالة في النار ..
.. فاللهم أجرنا وقنا عذابها برحمتك يا ارحم الراحميـــــــــــــــن
أسال الله أن يرزقنا الإخلاص في القول و العمل
و أن يستعملنا في ما يحبّه و يرضاه .. آمين .. آمين .. آمين
موضعنا اليوم عن تارك الصلاة وتأخير الصلاة عن وقتها
فلنبداً صلى على رسول الله
أنت مبتصليش ليــــه؟؟!!
الصـلاة..... الصـلاة
الصـلاة هي عـلاقتك بربنـا
الصـلاة هي أهـم مقياس لحبـك لله
أعظم عبادة وأول حاجه هنتحاسب عليها يـوم القيامـة
هي الصــلاة
قال النبي صلى الله عليه وسلم قالإن أول ما يحاسب عليه العبد يوم القيامة من عمله الصـلاة، فإن صلحت فقد أفلح وأنجح، وإن فسدت فقد خاب وخسر).
شوفت بقى الصـلاة هي نجاتك لو حافظت عليها
وفى المقابل لو ضيعتها هتكون سبب خسرانك
الصـلاة نور هينور طريقك وحياتك
إنت أكيد عايز حاجة تمحي ذنوبك اللي بتقع فيها طول اليوم
قال رسول الله صلى الله عليه وسلم " ألا أدلكم على ما يمحو الله به الخطايا ويرفع به الدرجات ؟ " قالوا : بلى . يا رسول الله ! قال " إسباغ الوضوء على المكاره . وكثرة الخطا إلى المساجد . وانتظار الصلاة بعد الصلاة . فذلكم الرباط "
أنا عارف الكلام دا بس ربنا يسامحني ساعات بأخـرها شوية
استنى أنت شوية دورك جاي بعدين أنا بكلم الوقتي مع اللي مبيصليش
إيه مبيصليش ؟!!!!!!!!!!
هو فيه مسلم مبيصليش !!!!!!!!!
أه فيه للأسف شباب حرموا نفسهم من نعمة عظيمة
الصــــلاة
وبيقولوا المهم اللي في القلب
مدام قلبك أبيض خلاص دا ربك رب قلـوب
طيب استنى وركز في اللي جاي
اسمع يامن تدعي صفاء القلب وبياضه...
اسمع هذه الكلمات يا من تدعي الإيمان برسول الله وقد ضيعت الصــلاة...
اسمع يامن تلهو بحياتك يمينا ويسارا فرحا بشبابك ولا تؤدي حق ربك ..
اسمع يامن ضيعت الأمانة ...
والله يكاد قلبي أن ينخلع!
الرسول يقول:
ايه كفـــــــــر ؟؟
آآآآآآآآآآآآآه كفر
أومال أنت فاكر أيه !!!!!!!!
عارف ليه ليه كفر لإن أبليس لما ترك السجود لأدم كفر
فما بالك للى يترك السجود للملك الله رب العالمين ؟؟
ازاى توصــل نفسك للمرحلة دى ..؟؟
ازاى عايز ربنا يحبك وانت بتعرض عنه .. بتعصى أمره ؟!
انت عارف لما بتقول الله اكبر ان الملك الله جل جلاله بيقبل عليك وينظر اليك ؟؟؟
ليه تحرم نفسك من اللقاء ده ؟؟
ازاى تقطع العلاقة اللى بتربطك بملك الملوك ؟؟؟
ده لما المؤذن بيقول الله اكبر
ده ملك الملوك ينادى عليك فالله اكبر من الدنيا وما فيها
مش بقولك وزير ولا رئيس دوله ولا ملك من ملوك الدنيا
لأ
ده ملك الملوك الله رب العالمين
اترفض نداء الملك ؟؟!
انت اتخلقت في الدنيا ليه سألت نفسك السؤال دا قبل كدا
لو الجواب لا
اسمع الله عز وجل يقول
{وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ }الذاريات56
هي دي رسالتك في الحياة عبادة الله
هي الحياة مش جامعة وأغاني ولبس آخر موضوه وبس
لا الحياة مش كلها لعب وعبث
{أَفَحَسِبْتُمْ أَنَّمَا خَلَقْنَاكُمْ عَبَثاً وَأَنَّكُمْ إِلَيْنَا لَا تُرْجَعُونَ }المؤمنون115
ركــــــز .... اسمـــع
الله يقول
( فَخَلَفَ مِنْ بَعْدِهِمْ خَلْفٌ أَضَاعُوا الصَّلاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيّاً ) مريم/59
انت عارف الغي دا أيه
الغي : واد في جهنم ، بعيد القعر ، خبيث الطعم،
أكيد مش نفسك تبقى فيه
صح ؟
خلاص صلي وإنت تبعد عنه
والآن وبعد ما عرفت مصير تارك الصلاة
ندعوك لسماع الدرس دا ممكن يغييير مجرى حياتك
حكم تارك الصلاة للشيخ محمد حسان
http://www.islamway.com/?iw_s=Lesson...&lesson_id=289
وكمان عندنا ملف خااااااااااص جدا اتفضل وأقرأ
http://islamqa.com/ar/cat/2024
والشيخ محمد حسين يعقوب بيقولك
http://www.islamway.com/?iw_a=view&i...&lesson_id=719
بعد كل ده
والعقاب اللى مستنى تارك الصـــلاة
جاوبـــنى
أيعقل انت تترك الصلة بينك وبين ربك ؟!
ان تترك الصــــــــــــــــــلاة
خلاص الكلام خلص وأنتم أكيد شباب عاقل وبتفكروا كويس
والطريقين أمامكم
لأما تصلوا وتختاروا ربنا وتفوزوا في الدنيا والآخرة
لأما أخترتم الطريق التاني الذي لا ينفع معه بكاء ولا ندم
أنتبه فالآن قد أقيمت عليك الحجة وعرفت حكم تركك للصلاة
وأمام الله سيقال لك أنت قرأت وعرفت يوم كذا وكذا إن حياتك كانت غلط
متقلش إن مفيش حد مبلغكش
انتهى
همسة أخيرة
http://www.way2allah.com/modules.php...iles&khid=2509
وقفة مع تأخير الصلاة :::
التهاون في الصلاة وتأخيرها على وقتها
والله إنها لطامة كبرى ومصيبة عظمى
وليست بالأمر السهل كما استهان بها كثيرا منا إلا ما رحم الله
وكأنها مقارنة
أنا الآن موجود على النت أو أمام ماتش ولا برنامج
ولا مشغول على التليفون ولا مع الأولاد
وفجأة
الله أكبر ... الله أكبر
إيه دا الآذان آذن
طيب الحمد لله لسه شوية وقت أخلص اللي في أيدي ولا البرنامج دا بس يخلص في دقيقتين
وألحق الصلاة قبل الإقامة
وانشغلت ومرت دقيقتن و3 و4 و5 ووووو
وبعدين
قد قامت الصلاة ... قد قامت الصلاة
أيه ده الصلاة بدأت يااااه آخر دقيقتين وبعدين ألحقهم في الركعة التانية
وفي الآخر لا هتلحق الركعة التانية ولا التالتة ولا الأخيرة
إنت فرطت الصلاة
والمقارنة اللي عملتها مقارنة فاشلة
أنت زعلت ليه
آآه مقارنة فاشلة أنت قدمت اللهو والمباح على الفرض
الآن عايزين لينا وقفة مع التهاون في الصلاة
يــلا كدا جهز نفسك وركز معايا
قال تعالى – متوعداً من أخَّر الصلاة عن وقتها لغير عذر - : ( فَخَلَفَ مِنْ بَعْدِهِمْ خَلْفٌ أَضَاعُوا الصَّلاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيًّا . إِلا مَنْ تَابَ وَآَمَنَ وَعَمِلَ صَالِحًا فَأُولَئِكَ يَدْخُلُونَ الْجَنَّةَ وَلا يُظْلَمُونَ شَيْئًا ) مريم / 59 ، 60 .
والغي : الخسران أو وادٍ في جهنم .
ها تحب ترمى نفسك فيه ؟؟
طبعا لأ هو انا استحمل بس غمسة فى النار عشان تقولى وادى فى جهنم والعياذ بالله
طيب بتأخر الصلاة ليـــــه ...؟
هو انت لو وراك معياد مع الدكتور في الجامعة ولا رئيسك في العمل تقدر تتأخر عنه ؟؟
طبعا لأ
مش احنا اتفقنا انك بتحب ربنا وإنه حبيبك وان كل أمانيك فى الدنيا حبه ورضاه عليك
طيب مش حبيبك بينادى عليكى ؟؟
مش بترد ليه بسرعة .. ليه مش بتجرى بسرعة وتلبى النداء ..؟؟
ليه مش بتسيب كل حاجة فى ايدك وتروح تصلى ..؟؟
عارف يعنى ايه الله أكبر
يعنى اكبر من الدنيا وما فيها اكبر من انشغالاتك اكبر من دراستك
الملك أكـــبر من كل شىء
هو اللى بيده يوفقك فى دراستك أو فى شغلك
يبقى ينفع تنشغل عنه بالحاجات اللى هو يملك لك الضر والنفع فيها ؟؟
يعقل ؟؟
هتقولى اصل ببقى مندمج فى المسلسل ولا فى الماتش ولا بتكلم فى التليفون مكالمة مهمة ومجتش من شوية ما أنا كدا كدا هصلي ؟؟!!
هقولك الآية دي
قال تعالى (إِنَّ الصَّلاةَ كَانَتْ عَلَى الْمُؤْمِنِينَ كِتَابًا مَوْقُوتًا)
أي بمواقيت محددة
فمن حدد مواقيت صلواتنا؟؟؟
هو سبحانه وتعالى الله حددها ...
تيجي انت تأخرها عن الميعاد اللي ملك الملوك حدده
وتختار مواعيد نت وماتشات اللي أبليس زينها لك
أكيد المعادلة محسومة بس أنت فكر كويس
أنت عارف ايه السبب في تأخيرنا الصلاة ؟؟
السبب إن
لما ضعف الإيمان في قلوبنا ... وذهب خوف الله من نفوسنا ...
وتمنينا الأماني ودخلت الدنيا في قلوبنا
أخرنا الصلاة على وقتها
أخرنا الصلاة على وقتها
لما فقدنا معنى العبودية لله ... ولم نقدر الله حق قدره
واستهنا بديننا وبعبادتنا
والنتيجة الطبيعية للحالة دي "تأخيرنا الصلاة "
أصابنا الضيق والنكد والهم والغم في الدنيا
وعدم التوفيق للخير نسأل الله العافية كل دا في الدنيا بس
أما في الآخرة فاسمع
قال الرسول صلى الله عليه وسلم
(أول ما يحاسب به العبد يوم القيامة الصلاة فإن صلحت صلح سائر عمله وإن فسدت فسد سائر عمله) رواه الطبراني.
فماذا ستقول غداً لربك
إذا سألك ياعبدي لما أخرت صلاة كذا وكذا في يوم كذا وكذا
فأجب على السؤال الآن
فالآن بإمكانك تغيير الإجابة والعمل على ذلك
أما إذا وقفت بين يدي ربك
لا مجال وقتها لتغيير الإجابة
فالكل سيشهد عليك
{يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ }النور24
الترغيب في الصلاة في أول وقتها للشيخ ياسر برهامي
http://www.islamway.com/?iw_s=Lesson...series_id=3201
صفة الصلاة بهيئة ( pdf )
http://www.saaid.net/rasael/salah/Salat.pdf
صفة الصلاة على ملف باور بوينت
http://www.saaid.net/rasael/salah/Salah.pps
أخطاء شائعة في الصلاة
http://www.saaid.net/rasael/salah/sfhsalahx.htm
ساهموا معي في نشر هذا الموضوع إخوتي الكرام
عسى أن يكون سببا في هدايه إنسان
فلإن يهدي الله بك رجلا واحدا خير لك من حمر النعم
منقول
ليست هناك تعليقات:
إرسال تعليق